اهلين بمحبات و هاويات التصوير. السيريز اللي هحطها من وقت للثاني هتفيد الهاويات و تعطي افكار لالتقاط صورة حلوة. طبعا التصوير مش مجرد دروس نظرية و تتبعيها، التصوير من الفنون يعني يعتمد على ذوق حامل الكاميرا و احساسه و فنه في التقاط الصورة. هتقولي الكاميرا تلعب دور ، اقول لك تلعب دور بس الاساس هو ذوق المصور و اختياره لزاوية صحيحة و اضاءة جيدة ، اذا في زاوية و اضاءه هتكون لقطة فنانة حتى لو بكاميرا الت...لفون. الكاميرا مهما كانت محترفة اذا المصور ما عنده الاساسيات و ما عنده لمسة فن ما هيستفيد من الكاميرا. هتناول في هالسلسلة التصوير للهاويين اما الاحتراف فتوصلي له بدروس منتظمة من معاهد متخصصة . اول الدروس عشان تظبطي الصورة لازم يكون عندك علم بثلاث اشياء بالكاميرا: سرعة الغالق speed shutter فتحة العدسة aperture حساسية الاضاءة iso و هحاول اعطي شرح مبسط عن كل منهم. سرعة الغالق كلما كان في حركة في الصورة كل ما كان لازم تزوديها ، مثال تصوير ناس بتتمشى او سيارات بتمشي او العاب نارية او نافورة ماء او طفل كثير الحركة. فتحة العدسة اللي رمزها F كل ما زودتي الرقم كل ما صغرت فتحة العدسة فتحة العدسة الكبيرة مثل f 5.6 تلتقطي صورة الهدف بس الخافية تكون مش واضحة، بس لما تصغري فتحة العدسة مثلا f 7.1 تكون الخلفية اوضح . اما الايسو فهو الاضاءة ، اذا كنتي بمكان الاضاءة فيه كويسة فخليه منخفض او تلقائي ، اذا الاضاءة منخفضة ممكن تزيدي الايزو الصورة هده دليل اساسي لاستخدام اعدادات الكاميرا
احتفظو بالصورة كدليل لاستخدام اعدادات الكاميرا.
