الصيف جاي ، و معاه نحتار في نوع المستحضرات المناسبة خصوصا ذوات البشرة الدهنية و المختلطة (زي حالاتي)
و دايما ما تجي تساؤلات عن الفاونديشن المناسب لهالفترة و تجي التجارب لعدة انواع.
هذا ريفيو مبسط عن تجربتي مع اساس ماكس فاكتور ميراكل توتش Max Factor Miracle touch .
طبعا نعرف انه اساسيات اختيار الفاونديشن

 : انه يكون مناسب لنوع البشرة و انه متطابق لدرجة لون البشرة لان الغرض... من الفاونديشن هو توحيد اللون مش التبييض و لا التفتيح .
اساس ماكس فاكتور هذا بيوعد بتغطية كاملة full coverage ، و بيوعد بتركيبة تجمع بين الفاونديشن + الكونسيلر + البودرة . و من التجربة ما احتجت احط كونسيلر و لا بودرة اكيد ، تغطيته فوق الميديم بس الكونسيلر حسيته بيعطي لوك اوفر معاه و ماله داعي ، الفاونديشن لحاله بيعطي تغطية مرضية و مقبولة .
ممكن اذا وضع الهالات تحت العين صعب جدا تحطي كونسيلر بس طبقة خفيفة حتى ما يخرب لوك الفاونديشن.
العبوة انيقة ، بس مثل عبوات الكريم العادية و استخدامها مثل استخدام الكريم و انا بفضل المستحضرات اللي تجي بال pump عشان انظف في الاستخدام و عشان ال hygiene .
التركيبة كريمي و يتوزع بسرعة عالوش و بالاخير تعطي فينيش الباودر ، بالرغم من التركيبة الكريمي الا انها مش ثقيلة و لا دهنية و حسيته مشي مع بشرتي الدهنية .، بس اكيد لازم ترطيب قبليه.
بالنسبة لاستخدام الكونسيلر مع هالفاونديشن ، اشوف مش لازم ، ممكن كونسيلر تحت العين اذا الهالات شديدة غير كذه هيكون الشكل
اوفر . و اكيييييييييييد ما في داعي لبودرة بعده .
اذا فاتحة و اذا قمحي درجة beige ، المهم تجربيه عالبشرة في المحل .
المستحضر يغني عن الكونسيلر و البودرة فحلو اذا كنتي مستعجلة و كمان في شنطة السفر . #beauty#makeup #مايكاب #مكياج #جمال