Mascara Brushe + Reviewsانواع فرشاة الماسكارا و وظيفة كل نوع + ريفيو لماسكارا مايبيلين

 اهلين  يا جميلات العيون حتى لو بدون مكياج و ماسكارا ^_^

بجد مومنة ان العيون جمالها ما له علاقة بالمكياج ، جمالها يبدأ بالصحة و الراحة النفسية ، صدقوني ده مش كلام في الهوا ده عن تجربة ، المكياج مهما كان حريف و متقن ما يطلع حلو على العيون الا لو

العيون صحية و منتعشة و بتعكس الحيوية و الحياة – لذا اول خطوة رجاءا نبدا بالاهتمام بالصحة الجسدية و النفسية و بالغذاء السليم .

احنا الان بموسم سيلز و شوبنغ و دايما ما بتكون الماسكارا جزء من الاشياء اللي لازم ندور على نوع يرضينا و كمان تقريبا هي اكثر قطعة ماكياج بنستهلكها .  لمسة الماسكارا – الماسكارا من اللمسات اللي ممكن تكتفي بيها لمكياج العيون . و صار في انواع كثير منها و لاغراض متعددة مثلا لتكثيف الرموش ، او لتطويل الرموش ، او لاعطاء ويت لووك للرموش wet look  و غيره .

عادة تركيبة الماسكارا بتكون نفس التركيبة بالذات اذا نفس الماركة ، اللهم بتختلف في مواد بسيطة و بالجودة اللي بتتفاوت من ماركة لماركة ، اللي بيحدد شكل الرموش هو شكل الفرشاة .

نظرة على اكثر الفرش شيوعا و ايش وظيفتها

هده اكثر الفراشي اللي بستخدمها – بعد الفراشي هوريكم ماسكارا كل فرشاة

الفرشاة السميكة اللي اسنانها متقاربة تعمل كثافة للرموش الشبيهة بهذه – بنيجي للماسكارا حق الفرشاة هذه

الفرشاة اللي اسنانها قصيرة و متقاربة و العود رفيع – مثل هذه – تعمل لوك تطويل الرموش – مثل هذه

الفرشاة اللي اسنانها قصيرة و متباعدة تعمل اللوك الطبيعي – الرموش متباعدة و لو عدتي الطبقة بتعطي ويت لووك

طيب هل انا بجمع الماسكارا من كل الانواع ؟ اكيد لا لوووووووول لما تخلص واحدة برمي العبوة بس بخلي الفرشاة في مكان نظيف و استخدمها من عبوة الماسكارا الجديدة

ريفيو على اثنين من الماسكارات اللي استخدمتهم موخرا :

من مايبيلين Maybelline

الاولى الزرقا Rocket  هي صاحبة الفرشاة الاولى اللي كتبت عنها فوق الفرشاة اللي تكثف ، سعرها حلو و تركيبتها ذات جودة عالية و ما تضايق او تثير الحساسية و في منها نوع مضاد للماء و نوع عادي و الاهم تتشال بسرعة و بدون فرك كثير بس تتشال بالمستحضر المخصص لازالة المكياج

الثانية السوداء xxl pro

من اسمها تطول الرموش و هي صاحبة الفرشاة الثانية فوق ، برضه انبسطت منها و فرشاتها تعطي لوك حلو و طبيعي للرموش ب عيبها تخلص بسرعة ، هي الان خلصانة بس ما بتخلص من الفرشاة بخليها عشان لما احب اعمل لووك برموش طويلة .

و للفرشاة الثالثة اللي بتعمل الويت لووك :

ماسكارا من ريميل rimmel

مممم هي الفرشاة كويسة و بتعمل ويت لووك و بتناسب اللوك اليومي بس المستحضر جودته مش راضية عنها ، التركيبة بتخلي الرموش متلاصقة و بينشف بسرعة بعد الفتح ، يعني بستفيد من الفرشاة لما بغطسها في ماسكارا ثانية هههههههه ما فرطت في الفرشاة لوول .

زمان ما كنت احب ماسكارات مايبيلين و كنت دايما اندم لما اخذهم بس موخرا بجد تحسنت التركيبة و تنوعت المجموعات . عشان كده انا اقول التجربة دايما مفيدة / صحيح لازم ناخد المستحضر بعد البحث و قراية الريفيوز و معرفة فايدة التركيبة بس التجربة هي اللي بتعلمنا و بتعرفنا على المستحضرات و عمايلها .

اتمنى الريفيو افادكم و لو بشي بسيط .

الى اللقاء في تدوينة جديدة.

#ماسكارا #مكياج #مايكاب #جمال #مايبيلين